Ka Jaintia Student Union (JSU) lyngba u General Secretary jong ka u bah Neilkee Mukhim ula pyntip mynta ka sngi hadien ka jingialang bad ki nongshong shnong ka Elaka Nongkhlieh naduh ki nongrep bad ki trai jaka, ki shem ba kiba bun ki nongshong shnong mynta ki don hapdeng ka jingtieng jingsyier namar ka jingdon ka kynhun kaba pyntieng pynsmiej ia ki.
Kumta na ka liang ka JSU ka buh ka jingkyntu ia ki nongshong shnong ba kim dei ban tieng ne smiej bad ki dei ban ieng ha la ka jong ka hok bad ka nongrim. Ka JSU ka pynpaw bad kular ruh ban don ryngkat bad ki trai shnong ka Elaka Nongkhlieh khamtam kito kiba shah pyntieng pynsmiej bad kim dei ban kynran dien.
U Neilkee Mukhim u la pyntip ruh ba ka JSU ryngkat bad ka JNC ki khot bad kyntu ia baroh ki nongshong shnong ka Elaka Nongkhlieh ba kin ieng ialeh na ka bynta ka hok ka jong ki, na ka bynta ka jakpoh jong ki, kumba ki ju im manla ka sngi bad na liang ki ar seng kin iai don ryngkat bad ki ha kano kano ka por.
Kine ki ar seng ki la kyntu ruh ia ki nongshong shnong ba wat hapdeng ka jingshah leh donbor wat na ka liang ka sorkar ruh, hynrei ki dei ban ieng tylli lang bad ha kawei ka sngi kin sa ioh ia ka jingbishar kaba hok, pynkut ka tyllong khubor ba la phah da u Neilkee Mukhim.