Ka KSU Laban Circle lyngba ka Education Cell ka jong ka hapoh ka jingialam u Chairman ka Cell samla K. Nelson Wanrap & Secretary samla Andrew P. Kharbithai ha ka 10/08/2026 ki la ioh ban wan kynduh ia ki Principal jong ar tylli ki school jong kane ka dong ka thaiñ kata ka Laban Bengalee Boys Higher Secondary School & Laban Bengalee Girls Higher Secondary School bad ruh ban Dawa ban pynrung noh iaka Subject Khasi ha kine ki school.
Ka jingleit jong ka seng ka long hadien ka jinglap ka jong ka bad ruh ka jingmih ka jingujor na ki kmie ki kpa ba wan ujor ha jingduh lad ki khun ki kti ki jong ki ban bteng bad shim iaka subject Khasi kaba long ruh ka Ktien Trai ri.
Ka KSU ka pynpaw ka jingsngewsih ba kine ki school kim shym la don ia ka Subject Khasi, namar kata ka seng ka dawa iakine ki School ba kin pynrung noh iaka subject haki school jong ki khnang ba ki samla pule trai muluk kin ioh jingmyntoi da ka kynthup ia ka Subject Khasi kum kawei naki subject ka jong ka skul.
Kum ban shu pynkynmaw ba kane kam dei ka sien kaba nyngkong ba ka seng ka leit mih bad dawa ban pynkynthup noh iaka subjek Khasi ha ki school ki jong ki.
Ka Kyrwoh ka ban jur ba baroh ki school kiba don haka dong ka thaiñ Laban baroh kawei ki bym don iaka subject Khasi ki dei ban pynrung noh iaka haki School ki jong ki.
