Kiba bun ki bynta jong ka ri India ki dang don mynta hapdeng ka ka jingshit kyrang ba jur, kumta na ka liang jong u Myntri Rangbahduh jong ka ri u Narendra Modi mynta ka sngi ula ai katto katne ki jingbthah lyngba ka X jong u, sha ki nongshong shnong baroh ban long kiba phikir bha ia ka koit ka khiah jong ki bad ruh ban ïarap lem ia kino kino ki para marjam kiba ïa kynduh ïa kane ka jingeh.
Lyngba kane ka jingkiew jong ka jingshit ha ki bynta jong ka ri India kala wanrah shibun ki jingeh ha ka jingim ba manla ka sngi jong ki nongshong shnong jong kato ka jaka. “Nga kyntu ïa baroh ki nongshong shnong jong nga ban shimkhia bha ïa ki lad jingïada ïalade, sngewbha ban dih shibun ka um ban lait na ka jingtytkhonh ka met bad phi dei ban rah lang bad ka um haba phi mih na la ki ïing ki sem jong phi” la ong u Myntri Rangbahduh.