U Deputy Commissioner (Supply) ka East Jaiñtia Hills District, Khliehriat u pynbna paidbah ba la pyllait ia u khaw rashon NFSA na ka bynta u bnai Iaiong 2024 hapoh East Jaiñtia Hills District, Khliehriat.
Ia u khaw AAY yn sam 35 kilo shiïing shibnai khlem da donkam ban siew pisa eiei, ia u khaw PHH yn sam 5 kilo shikhlieh shibnai khlem da donkam ban siew pisa eiei, katbaia u khaw Non- NFSA pat yn sam 7.213 kilo shiïing shibnai ha ka dor die lang ka ba long 12.00/- tyngka shi kilo bad ka dor die khutia pat kamdei ban palat ia ka 14.00/- tyngka shi kilo.
Lada don kano kano ka jingbymhun halor ka rukom sam ia u khaw da ki nongsam katkum ki jingthew ba la buh, ki paidbah ki lah ban ujor sha u Deputy Commissioner (Supply) ka East Jaiñtia Hills District lane ki lah ban phone sha u nombor bym donkam ban siew pisa (Toll free No.) 1697 bad ki lah ruh ban ujor sha u District Grievances Officer ka East Jaiñtia Hills District, bynrap shuh shuh ka kyrwoh na u Deputy Commissioner (Supply) ka East Jaintia Hills District. (DPRO,Khliehriat)