Ka khubor pulit ka ba la phah, la iathuh ba ha ka 05/07/2026 ha ka por kumba 6:20 PM ki pulit ki la ioh ia ka jingpyntip na ki nongshong shnong ba ka don kawei ka met iap jong u rangbah briew bym lah ban tip kyrteng ka ba la thiah lyngkthar hapoh ka Office treikam barim jong ka Sales Tax ha Byrnihat, Ri-Bhoi District.
Na ka liang ki pulit mar sien ioh jingtip ia kane, ki la leit wut wut sha katei ka jaka ban pynlong ia ka jingtohkit.
Ha ka jingtohkit jong ki pulit la ioh jingtip ba une u briew uba la khlad u dei u bym don iing bym don sem, uba don jingduna ha ki jingmut jingpyrkhat bad uba ju iaid lamwir ha ki thain Byrnihat.
Hadien kane la pynkit noh ia ka met jong utei u rangbah sha Civil Hospital, Nongpoh.
Ha kaba iadei bad kane ki pulit jong ka Ri-Bhoi district kila phah ia ka jingpyntip sha baroh ki Police Station ha kylleng ka Ri India.
La iathuh ba une u rangbah u don ka jingjrong kaba 5.3 ft, u don ka rta kaba hapdeng 35-40 snem ei ei, u long uba raikhoh, u don ki tmain ba jrong bad u sniuh uba lyngkot bad iong, u phong da ka patlun lyngkot kaba rong lieh.
La kyntu ia kino kino kiba ithuh ia une u briew bad ia ka jaka sah jong u ba kin pyntip sha ka Police Control Room (PCR) Nongpoh da kaba phone ha u number 9856084514.