U surok u dei u budlum jong ka leit ka wan ka kit ka bah ha kaba iadei bad kawei ka jylla bad kawei pat ka jylla, ha kane ka 5.06.2026 ka MLA jong ka Sutnga-Saipung ka kong Santa Mary Shylla, ha ka jingiasynran lang bad ki Engineer jong ka PWD kala leit sorjamin ia u surok ba thmu ban pyniasoh ia ka thaiñ Sumer, East Jaintia Hills, Meghalaya bad ka Jylla Assam lyngba ka wah Kupli.
Ha ka jingleit sorjamin na ka bynta kane ka surok ka kong Santa Mary Shylla kaba dei ka MLA ka thaiñ kala shim khia ha ka ban pyntreikam ia une u surok na ka thaiñ Sumer bad ban pyniasoh bad ka jylla Assam.
Ha kane ka jingleit sorjamin la iadon lang u EE ka PWD jong ka East Jaintia Hills District ma G. Langstang ryngkat ki nongialam shnong jong ka thaiñ Sutnga-Saipung bad Sumer.
Ka kong Shylla haba kren ha kane ka sngi kane ka jingleit sorjamin ki dang wad ia ka jaka kaba khamsuk ban pyniaid ia une u surok ban kam ia ka wah Kupli lyngba ka thaiñ ban poi sha North Cachar Hills, Assam.
Shuh shuh ka kong Shylla ka ong ba jinglah ban pyntreikam ia une u surok kan iarap shibun nongshong shnong jong ka ar jylla ha ka leit ka wan bad ka khaïi khaba kumjuh kan wanrah ia ka roi ka par jong katei ka thaiñ.
Ka la ban shuh shuh ba ka jingpyntreikam ia u ne u surok la donkam ruh ban shna ia ka jingkieng kaba heh ha ka wah Kupli ban ioh pyniasoh ia ka thaiñ Sumer bad ka jylla Assam.
Ha kane ka jingleit sorjamin na ka liang jong ka kong Santa ka la ioh ban iashem jingmut bad ki nongialam shnong jong ka thaiñ Sumer ba kin pyni ia ka jaka kaba suk ban pyntreikam ia une u surok.
Lada lah ban ban pyntreikam kloi ia une u surok kan iarap shibun ia ki nongshong shnong jong baroh ki ar jylla ha ka leit ka wan, ha ka kit ka bah ia ki mar ki mata bad kiwei de ki jingdonkam.
