.
Ka Hynniewtrep National Youth Front (HNYF) Northern Region ha ka 14 tarik Naitung 2026 ka la leit ban pan jingshai na u Director ka MeECL Lum jingshai Shillong hadien ka jinglap ka Seng ba bun ki jaka ka MeECL la pynlong jaka sah da ki bar Jylla.
Haba kren sha ki lad pathai khubor u President ka HNYF Northern Region u Bah Keasting Langdoh u la ong ba ka Seng ka la wan ban pan jingshai na u Director ka MeECL haba iadei bad ka jingpyndonkam ki bar Jylla ban pynlong jaka sah ha ki jaka Jong ka MeECL wat haba ka por trei jong ki kala kut ne kila shongthait na ka kam ruh.
Shuh shuh u la batai na ka liang ki bor pyniaid ka MeECL ka la pan por shi bnai na ka Seng ban wad jingtip halor kane ka jingpynsngew na ka liang ka HNYF Northern Region.
Nalor kata u la pynpaw ba kim pyrshah ia ki bar jylla kiba wan trei sha kane tnad hynrei ynda la kut ka por shongthait ki la dei ban leit phai noh sha la shnong sha ki ïing ki sem lajong ym dei ban shongduh ha kane ka jaka MeECL bad ki dei ban leit phai sha la shnong ym ban wanrah ia ki bahaing bahasem ban wan sah ha ki jaka ka MeECL ne ban pynlong kam khaïi ha kane ka Jylla.
U la ong ym tang ha ki jaka MeECL hynrei ha baroh kiwei ki tnad treikam sorkar ha ka Ri khasi Jaintia ynda ki bar Jylla ki la shongthait na ka kam ki la dei ban leit phai noh sha la shnong la ong u President ka HNYF Northern Region.
