U National President ka NPP u Conrad K Sangma ha ka 7 tarik Jymmang 2026 u la pynbna paidbah ia u Dr DRL Nonglait kum u kyrtong MP ha ka ïlekshon shiteng samoi na Shillong Konstituensi.
Ha kane ka sngi la pdiang burom ruh ia u Dr DRL Nonglait sha ka Seng NPP da u Conrad K Sangma National President ka NPP ha ryngkat ka jingiadonlang ki Nongkitkam jong ka Party NPP ha ka jingpynlong ia General Executive Council jong ka NPP.
Na ka liang u National President ka NPP U Conrad K Sangma haba kren ha kane ka sngi u la ai khublei ia baroh ki nongkitkam jong NPP kiba la poi sha kane ka jingialang jong ka General Executive Council .
U la ong ruh ba ka Seng NPP ka pdiang sngewbha ia u Dr D R L Nonglait sha ka Seng NPP bad kumjuh ban pynbna syndon ba u Dr DRL Nonglait un long u kyrtong ka NPP ban iakhun ia ka ïlekshon shiteng samoi na Shillong Parliamentary Seat.
