Katkum ka khubor ba la pyllait da u Superintendent of Police, West Jaiñtia Hills District la iathuh ba ka ïingbishar jong u Sessions Judge, West Jaiñtia Hills kala rai pynrem ia u Aloi Suiam da kaba rai set phatok ia u shi jingim.
Ia kane ka rai ka ïingbishar kala shim ha ka 28.03.2024. Hadien ka jingshong bishar ba la bun bun snem jong ka ïingbishar kala lap ia ki sabut ba u ne u Aloi Suiam u donkti ha ka ban shimnoh ia ka jingim jong u Rishanki Biam kaba la jia ha shnong Saphai, West Jaiñtia Hills District naduh ka 2.09.2005.
Na ka liang ka ïingbishar kala dawa bai lutksan Rs.3,00,000.00 (Lai Lak tyngka) ban siew sha kiba ha ïing jong utei uba la khlad noh.
U SP u iathuh ba ia kane ka case la register ha Jowai Police Station lyngba ka FIR bala wan buh da u kpa jong une u ba la shah pyniap u ma Linus Sumer uba la khladnoh mynta ha ka 06.09.2005. La register ia ka katkum ka Jowai PS Case No.121 (9) 2005 U/S 302 IPC ia kaba la tohkit da u SIB Singh.