Ka Ophis jong ka Executive Committee, ka Dorbar Shnong Muktapur ka pynpaw ïa ka jingsngewnguh kaba khraw bad ban ai mynsiem ïa u Samla Donboklang Nongphud, President ka KSU Bengaluru Unit, ryngkat ki dkhot baroh halor ka jingtrei shitom jong ki ban wad bad ban lap ïa u Kwis Sumer.
U Kwis Sumer, uba dei u samla na ka thaïn Muktapur, u la jah lynti naduh ka 13 tarik u Naitung (July) 2026 ha ka jylla Karnataka. Lyngba ka jingmih paidbah bad ka jingkitkhia jong u Nongïalam bad ki dkhot baroh jong ka KSU Bengaluru, la lah ban wad bad ban lap mardor ïa u Kwis Sumer ha ka met kaba shait kaba Khlaiñ.
Ka Dorbar Shnong Muktapur ka pynpaw ba nyngkong eh ka ai ka jingsngewnguh sha U Blei Trai Kynrad halor kane ka jinglap biang ïa u samla ka shnong. Shuh shuh, ka shnong ka pynpaw ba kam don eiei ban siew kylliang ïa ka jinglehbha, ka jingaiti bad ka jingtrei shitom met bad mynsiem jong kine ki nongïalam ka jaidbynriew.
Ka Dorbar Shnong baroh kawei ka duwai bad phirat sha U Blei ba Un nang ïai btin lynti ïa ka KSU Bengaluru Unit baroh kawei, kumba ki la pynneh ïa ka mynsiem ïarap, ba kin nang lah ban trei kham bha shuh-shuh na ka bynta ka bha ka miat jong ka jaidbynriew Khasi hi baroh kawei.