U Bah Nangjan Dkhar uba na ka Shnong Wapungskur East Jaiñtia Hills District bad uba dei ruh u Incharge jong ka JNC Wapung Circle ula wan ban ai mynsiem bad kyrshan ia u ma Marshall SB Biam halor ka jingshah thang jong u.
U la pynkynmaw ïa ka sorkar ba naduh u snem 2014 katta naduh ka por ba ka NGT ka khang ïa ka jingtih dewïong, ki briew ki la duh ei ïa la ka jingim.
Mynta pat mih sha u Bah Marshall S.B Biam ban ïakhun pyrshah ïa ka sorkar ban plie noh ïa u dewïong da kaba shong shah thngan katta naduh ka 1 tarik u bnai jylliew 2026 haduh mynta ka sngi.
Shuh shuh u Bah Dkhar u la ong ba kane ka jingshong shah thngan u Bah Marshall kam dei na ka bynta shimet hynrei na ka bynta ki paidbah, kumta u la kyntu ïa ki paidbah ban ïatylli kawei ka sur, u la kyntu ruh ïa ka sorkar ban burom ïa ka sur jong u paidbah ka East Jaiñtia Hills District.
