Ka Jaiñtia Photographers & Videographer Association (JPVA) shen kan pynlong ïa ka ;Jiañtia Photo & Video Fest 2026, kan ban long naduh 19 tarik haduh ka 21 tarik u Nailar, 2026 ha Chutwakhu Indoor Hall Jowai.
La pyntip paidbah shi bynta na ka jingrakhe ïa ka World Photography Day kan sdang ïa ka prokram haka 19 tarik u Nailar da ka jingñiah Bike Rally haka por 11 baje na Lad Kiang Nangbah bad ïaid kylleng ka sor Jowai bad pynkut ha Chutwakhu Indoor Hall, Jowai.
Ïa kane ka Association JPVA la sdang ïaka naduh u snem 2025 da ka jingthmu ban wanrah ka jingïatylli hapdeng ki nongshon dur bad ki nongring video, shi bynta ban ai jingïarap kumjuh ïa ki khun samla ban kin pynleit jingmut ha kane ka kam kum kawei na ki lad kamai kajih.
Shuh shuh la ong ka jingthmu jong ka kane ka prokram Jaiñtia Photo & Video Fest 2026 ka long shi bynta ban wanrah ïa ki nongshon dur bad ki nongring video na kylleng ka Ri-Lum Jiañtia bad nabar kumjuh ba kin wan ban pynpaw pyrthei ïaki sap ki phong ba ki don, haka juh ka por kin ïoh jinghikai ruh halor ka rukom pyndonkam ïa ka Camera da ki briew ba tbit ha kane ka kam.
Na ka liang ki Company ba kynthup ïa ka Nikon, Cannon, Lumix kin wan ban ai jinghikai training bad ka Free Servicing ha katei ka sngi.
Haka 20 tarik kan don ka prokram plie ïa kane ka Festival kan don ki jingïakop bapher bapher naduh ka Video Screening, ki Games ki Quiz bad ha ka por janmiet kan don ka Musical Evening.
Katba haka sngi pynkut 21 tarik ka prokram kan sdang naduh 9 baje yn don ki prokram Workshop, ka Photo Display, Video Screenings, Camera Servicing, ka jingsam ïa ki khusnam sha ki nong jop, Musical Evening bad kiwei kiwei de. Ha kane ka Festival yn don ruh ki stall bapher bapher.