Mynta ka sngi 12/08/2026 ki nongpyniaid jong ka Nongtalang College kila ioh ban pynlong ia ka Graduation Day 2026 ha kaba ki la ioh ban pynkup burom ia ki samla jong ka College kiba pyndep ia ka jingpule jong ki na kane ka College.
Ia ka prokam ha kane ka sngi la pyniaid da u Sir Mantre Passah, ha kaba la ioh ia ka jingkren pdiang da u Sir Rymphai Pdang, uba la pdiang sngewbha ia u kongsan u Dr. Damuthimi. Lyngdoh uba dei u BDO, ka Amlarem, ia kiba shah khot sngewbha bad ia baroh kiba la poi sha kane ka prokram.
Ha kane ka sngi la ioh ban pynkup burom ia ki 29 ngut ki samla pule jong ka College, kiba kynthup ia kiba ioh ia ka nam College Topper, Department Topper bad ia ki samla Class XII Commerce Topper. Kiba la shah pynkup burom ba la poi sha ka First Division kila ioh ia ki Memontos bad ka song pisa.
Ka la don ruh ka jingsam ia ka Special Award kaba la tip kum ka 1st Adhikari Academic Exellence Award sha ka Fabulous Rymbui kaba dei ka Topper ha ka Political Science Department.
Ha kane ka prokram la iadon lang ruh u ma Lumlang Pohti, Asstt. Engineer, kong C. Shylla CDPO, ICDS Amlarem, ki dkhot ka Governing Bdy, u Secretary shnong u Kat Kassar u Headman ka shnong Nongtalang, u Principal Dr. R. Kharkongor, ki nonghikai ryngkat ki samla pule kane ka college.
Kiwei de kiba la ai jingkren nalor u Kongsan ki long u Principal ka college Dr. R. Kharkongor, u Secretary Shnong Nongtalang ma kat Kassar, u Manius L Talang ba dei u College Topper, ka Aheaneba Gashnga bad u Sir Elanathan Lyngkhoi.
Kala don ruh ka jingpynbyrngia ha kane ka sngi lyngba ka jingshad bad jingrwai rwai na ki samla pule jong ka college.
