Ka Deputy Commissioner (Supply), East Khasi Hills District, Shillong, ka la pyntip ba ka don ka jingpynsngewthuh bakla sha ki paidbah lyngba ki social media ba ka don ka jingduna bad ka jingkiew dor jong ka Petrol, Diesel bad ki tyngdong lyer shet jingshet, kaba la wanrah ka jingtieng bad jingsyier ha ki nongshong shnong jong ka District.
Hynrei la pyntip kane ka don hapoh ka jingpeit bniah da ki bor pyniaid District bad baroh ki jingdonkam la shimkhia bha, khnang ba yn lah ban pynbiang ia ki jingdonkam jong ki nongshong shnong, kum ka Petrol, Diesel bad ki tyndong lyer shet.
Ka DC kala kyntu ia ki nongshong shnong ba kim dei ban ngeit lane ban pynsaphiang ia ki khubor lamler ha kaba iadei bad ka umphniang bad ka gas shet jingshet. La kyntu ia ki paidbah ba ki dei ban sngap tang ia ki khubor kiba la pynmih da ka sorkar khnang ba kin ioh ia ki khubor kiba shisha.
Ki bor pyniaid District kin sa pynshitom ia kino kino kiba pynsaphriang ia ki khubor lamler kiba lah ban ialam bakla ia ki riew paidbah.