Ka jingïalehkai phubol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 6 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong ka Rymbai Pohskur SC kala jop da 3-0 kol ïaka Mookympat SSCC, ïa ki kol na ka Rymbai Pohskur SC la thep da u Dakner Dkhar haka minit ba 39, u Sanhame Bareh haka minit ba 42 bad u Rap Dkhar haka minit ba 80+2.
Haka jingïakhun kaba ar hapdeng ka Suchen Rim SC bad ka Wahsarang SC kila poi sha ka jingïakhaid da mar 2-2 kol, ïa ki kol na ka Suchen Rim SC la thep da u Baaijingkmen Suchen haka minit ba 22 & 50. Na ka liang ka Wahsarang SC la thep da u Shawas Dkhar haka minit ba 10 bad u Lukas Tlang haka minit ba 80+1.
Katba ha ka jingïakhun kaba lai ka Musniang Rim SC kala jop da 2-1 kol ïaka Umlong SSCC, ïa ki kol na ka Musniang Rim SC la thep da u Lucky Talang haka minit ba 26 bad u Lamphrang Dkhar haka minit ba 75. Ïa ka shikol na ka Umlong SSCC la thep da u Ezekhiel Dhar haka minit ba 56.