Ka jingïalehkai phubol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 7 tarik u Nailar, 2026 ha madan Artificial Ground Diengshynrum, Khliehriat kila poi sha ka jingïakhaid ha baroh lai tylli ki jingïakhun.
Haba phai sha ka jingïakhun kaba nyngkong hapdeng ka Mynkre SC pyrshah ïaka Moopynien SSWO kila poi sha ka jingïakhaid da mar shikol (1-1), ïa ka kol na ka Mynkre SC la thep da u Jenson Bareh haka minit ba 17, ïa ka kol na Moopynien SSWO la thep da u Ha i meshwa Siangshai haka minit ba 70.
Haka jingïakhun kaba ar hapdeng ka Pamra Paithlu SCSC bad ka Pynurkba Christian SC kila ïakhaid da mar ar kol (2-2). Ïa ki kol na ka Pamra Paithlu SCSC la thep da u Ronsing Shylla haka minit ba 27 bad u Shandame Siangshai haka minit ba 58. Ïa ki kol na ka Pynurkba Christian SC la thep da u Evening Son Syih haka minit ba 44 bad u Emile Yoratefull Rymbai haka minit ba 48
Katba ha ka jingïakhun kaba lai ruh hapdeng ka Moolang SC bad ka Rymbai SYWO kila poi sha ka jingïakhaid khlem don kiba ïoh ban thep kol (0-0) haduh ba kut jong ka por ïakhun.
