Ka jingïalehkai phubol jong ka kyrdan 2nd Division 2026 League Stage bala pynïaid daka East Jaiñtia Hills District Football Association (EJHDFA) kala sdang mynta ka sngi 10 tarik u Nailar, 2026 ha madan Artificial Ground Diengshynrum, Khliehriat. Haka jingïadonlang ki nongkitkam bad ki dkhot jong ka EJHDFA
Haba phai sha ka jingïakhun kaba nyngkong ka Moolamanoh SC kala jop da 3-0 kol ïa ka Mukhaïalong SCSC, ïa kitei ki kol na ka Moolamanoh SC la thep da u Ambison Dkhar haka minit ba 19, u Adoffstive Dkhar haka minit ba 40 bad u Jesper Dkhar haka minit ba 58.
Haka jingïakhun kaba ar hapdeng ka Mulieh YWSC Suchen bad ka Lakadong Ummat SSC kila poi sha ka jingïakhaid da mar 2-2 kol, ïa ki kol na ka Mulieh YWSC Suchen la thep da u Christopher Dkhar haka minit ba 51 & 70. Ïa ki kol na ka Lakadong Ummat SSC la thep da u Elyfirst Shadong haka minit ba 43 bad u Namlangki Shadong haka minit ba 74.
Katba ha ka jingïakhun kaba lai ruh hapdeng ka Wapung Shnong SCSC bad ka Suchen Lumiarain SC kila poi sha ka jingïakhaid khlem don kiba ïoh ban thep kol (0-0) haduh ba kut jong ka por ïakhun.
