Ki nongialam jong ka Jaintia Coal Owner Miners Supplier & Workers Association (JCOMSWA), mynta ka sngi kila pynpaw ia ka jingpyrshah bad ka jingpynrem jur ia ki bor District bad ia ka ophis DM&HO, namar ba kila phah wan jngoh da ki Dortor Mrad (Veterinary Doctor), ia u bah Marshall SB Biam, u President jong ka Association uba dang shong shah thngan mynta la 12 sngi, ha Ladrymbai Dongwah ban pynbor ia ka sorkar ban pyllait ia ka jingtih dewiong.
Haba kren sha ki paidbah mynta ka sngi 12/06/2026 ha katei ka jaka shong shah thngan u bah Marshall SB Biam, na ka liang jong u ma Overcome Dkhar, u ba dei u Information Secretary ka JCOMSWA ula ong ba “Nga kum u Information Secretary ka JCOMSWA, ngi pynrem jur ia ka Administration East Jaintia Hills District bad ia ka ophis DM&HO ia ka jingleh torti jong ki bala ar sngi kila phah daki Doctor Veterinary ban check up ia u President jong ngi. Kane ka jingleh torti jong ki la paw shai ba ki la kwah ban pyniap ia u President jong ngi, mynhynnin ka 11.06.2026 ki la phah da u Doctor Incharge ka Saipung Dr.Sutong bad mynta ka sngi 12.06 .2026 ki la phah da u Doctor Incharge ha Rymbai Dr.Langstang, donbok ba bat ki member jong ngi. Lada ka administration kam lah ban phah da ki Doctor briew ki ba shisha, ngi kum ka Association ngi sngewsih shisha iaka jingleh jong ki. Katba u President u dang shah thang naka bynta ka jaitbynriew kim khein shuh ia u kum u briew ki khein tang kum u mrad. Lada ki ia pteng kumne, ngi kum ka Association ngin phah jingthoh sha ka Human Rights”.
.