[File Photo: Yutip]
Ha ka jingbud ryntih ïa ki jingbthah jong ka ïingbishar ba ha khlieh duh jong ka ri India ha ka hukum jong ki ha ka 5.5.2026 ha ka Civil Appeal No1674 Bhopal Municipal Corporation pyrshah ïa u Dr. Subhas C Pandey & Ors bad ka jingpyntreikam ia ka Solid Waste Management Rules, 2026, na ka liang jong u Deputy Commissioner ka West Jaiñtia Hills u la pynpaw ba la khang pyrshah ban bret khlem jingbit ïa ki jaboh jabaiñ harud ki wah, ki rud surok, ki pung, ki jaka lum bad kiwei kiwei ki jaka paidbah.
Baroh ki jaboh jabaiñ kiba mih hapoh ka jaka jong ka municipal yn lum bad kit ban leit bret tang lyngba ki kali ba la ai bor da ka Jowai Municipal Board.
U Deputy Commissioner u la ong shuh shuh ba lada lap ia kino kino ba pynkheiñ ïa kane ka jingbthah ba la kdew kin shah pynshitom da kaba pynngat ha ka aiñ kaba tyngeh.