ka BJP Meghalaya Unit , kaba la ialam da u Myntri ka sorkar jylla u Bah Sanbor Shullai bad u MLA ka BJP u Bah A. L. Hek ha ryngkat bad ki nongkitkam ka BJP Meghalaya ki la iakynduh ia u Myntri khynnah ka sorkar pdeng ba khmih ia ka tnad pule puthi u Dr. Sukanta Majumdar ban pynsngew ha u halor ka jingkynrum kynram ha North Eastern Hills University.
Ki nongialam ka BJP Meghalaya ki la pan jingiarap na ka tnad Pule puthi ka sorkar pdeng khnang ban pynthikna ba kan iaid beit iaid ryntih katei ka skul bah.
Ka BJP Meghalaya ka la ban jur halor ka jingdonkam ban bujli ia u Vice Chancellor ba thymmai uba don ka jingsngewthuh kaba jylliew shaphang ka kolshor, ka akor bad ki jingdonkam jong ka thain. U Dr. Majumdar u la pynthikna ïa ki dkhot ka BJP Meghalaya ba ïa kane ka kam yn sa rah mardor sha u Myntri ka tnat Pule Puthi ka sorkar pdeng da kaba buh ha ka jingmut ïa ka lawei jong ki samla pule, ban pynthikna ba ka NEHU kan wanphai biang sha ka kyrdan treikam kaba biang tam.