5 ngut ki khynnah skul jong All Saint Diocesan Higher Secondary School, Shillong ki lah wan shakhmat bad khur haduh 5 tylli ki kyrdan ha ka top 20 jong ka Exam Secondary School Leaving Certificate 2026 (SSLC) .
Ia kane la pyntip da ka Principal jong ka All Saint Diocesan Higher Secondary School ka Dr. Kerdalin Kharkrang .
Haba iakren bad ki lad pathai khubor na ka liang ka Principal ka Dr. Kerdalin Kharkrang ka la pynpaw ka jingsngewnguh ia u Blei bad kum ka Principal ha ryngkat bad ki nonghikai ki la pyndep ia ka kamram na ka bynta ki khynnah skul bad ki khynnah skul ruh ki lah ioh ka lad ban leh bha bad ban wanrah ia ka burom ia ki shimet bad kumjuh ia ka skul All Saint Higher Secondary School.
Nalor kata ka la pynpaw ba kum ka skul ka ai mynsiem bad kyrshan ia ki khynnah bad kum ka skul ka dap da ka jingkmen hadien ka jingpoi ha ka merit list haduh 5 ngut ki khynnah ka All Saint bad ka jingpass bha ki khynnah 100 Percent.
Ki khynnah skul kiba iakhun ia ka Exam SSLC 2026 ki don kumba 138 ngut bad ki la pass bha la iathuh ka Principal.
Ki khynnah skul jong ka All Saint kiba la wan shakhmat ha ka top 20 ki kynthup ia ka Nausheen Islam Choudhury ba wan ha ka kyrdan ba 7 bad ioh 569 marks, Shriyansh Joshi Adhikari ha ka kyrdan 12 bad ioh 563 , Reedhi Baidya ha ka kyrdan 15 bad 560 marks, Sanidahun Riialariti Nongkhlaw ha ka kyrdan ba 17 bad 558 marks, Zaynial Banshan Marbaniang 557 ha ka kyrdan ba 18 .
Haba ioh ban iakren bad ki khynnah skul All Saint kiba la wan top Twenty ki la pynpaw ka jingsngewnguh ia u Blei bad kumjuh ia ki kmie ki kpa ki Nonghikai kiba la kyrshan kiba la ai mynsiem ia ki ha ka jingpule.
Nalor kata ki la pynpaw ruh napdeng kine ki khynnah kiba pass ha kane ka exam ki kwah bad thrang ban leit pule ha ka Science Stream bad kumjuh ha ka laiñ Medical bad ki la ai jingmut ia kiwei de ba ki dei ban jied bad leh da ka routine kumno ban pule ia ki kot ha ka jingiakhun ia ki Exam bapher bapher.
