Ka kynhun ïalehkai Cricket jong ka Lion Sports Youth Affairs mynta ka sngi saitjaiñ 6 tarik kala jop ïaka Cultural Youth Club Mookaiaw da 135 runs ha ka District Cricket League 2024 bala pynïaid daka West Jaiñtia Hills District Cricket Association ha Madan Khliehtyrshi Mini Stadium.
Ha ka jingïalehkai ïa ka Toss la jop da ka LSYA kaba la jied ban bat nyngkong da kaba kamai haduh 206 runs naki 35 over bad hap 7 wickets, kiba kamai runs khambun ki dei u Deibormi Rangad 86 runs naki 79 balls, U Heiyoomiki Ryngkhlem 44 runs naki 68 balls, katba na ka liang ka CYC kiba ïoh ban khur Wickets ki long u Grateful Lyngkhoi 2 Wickets naki 7 overs bad u Regardful Lapasam 2 wickets naki 7 overs.
Haba wan ban beh ïa ka thong ka Cultural Youth Club Mookaiaw kala lah ban kamai tang 71 runs naki 14.4 overs bad hap lut baroh ki wickets. Kiba lah ban kamai runs khambun ki long u Rangdamon Laloo 24 runs naki 22 balls, katba na ka liang ka LSYA kiba ïon ban khur Wickets ki long u Wijan Pohleng 3 wickets naki 3 over, u Deibormi Rangad 2 wickets na ki 2 overs bad u Peterson Lamare 2 wickets na ki 4 overs.
Ïa ka nam Man of the Match la ïoh da u Deibormi Rangad jong ka Lion Sports Youth Affairs.