Ka Krishi Vigyan Kendra (KVK), Jaiñtia Hills ha ryngkat ka jingïatreilang bad ka District Agriculture Offices jong ka West bad East Jaiñtia Hills. kila pynlong ïa ka prokram PM-Kisan Utsav Diwas mynta ka sngi 20 tarik u Jylliew, 2026 ha ophis ka KVK, Wahiajer.
La pynlong ïa kane ka prokram kum ka dak jong ka jingpyllait ïaka bhah kaba 23rd Installment jong ka PM-Kisan Assistance hapoh ka skhim Pradhan Mantri Kisan Samman Nidhi (PM-KISAN) da u Myntri Rangbahduh ka ri India. Ha kane ka jingïalang u ma M.B. Rymbai, MDC ka 4-Amwi Khliehtyrshi Constituency ula long u Kongsan.
Ïa ki kyntien pdiang sngewbha sha baroh ki nongwan sha ka prokram la ai da Dr. D. Rymbai, Senior Scientist & Head, KVK Jaiñtia Hills bad la batai ruh halor ka jingdonkam jong ka skhim PM-KISAN ban kyrshan ïaka kamai kajih jong ki nongrep ka thaiñ.
Ha kane ka prokram ka kong G. Nongdtu, Assistant Director of Agriculture (FTI), District Agriculture Office, West Jaiñtia Hills, kala batai bniah halor ki jingthmu jong ka skhim PM-KISAN bad kumjuh ïa ki jingmyntoi jong kane ka skim bad ki kyndon ban ïoh jingïarap.
Na ka liang ki nongrep jong ki ar District ka West bad East Jaintia, kila ïoh jingbatai na ki riew shemphang, shaphang ki lad ki lynti jong ka kam rep kam riang lyngba ki juk stad saian ïa kaba la kyrshan da ka sorkar.
Shi bynta na kane ka prokram, la sam ruh ïa ki mar rep sha ki nongrep kiba wan ban ïashim bynta bad la pynshlur ïa ki nongrep ban pyntreikam ïa ki buit bad ki rukom rep kiba la kham bha.
La pynkut ïaka prokram da ka jingai khublei ïa baroh ki nongwan ïashim bynta bad la buh hakhmat ïaka thong ban pynbha pynmiat ïa ka kam rep hapoh ka thaiñ Jaiñtia Hills.