Ka kynhun jong ka Efty United XI Mynso kala jop ïaka West Jaiñtia Police Cricket Club da 8 wickets ha ka jingïalehkai mynta ka sngi 9 tarik u Ïaïong haka District Cricket League 2024 bala pynïaid da ka West Jaiñtia Hills District Cricket Association ha Madan Khliehtyrshi Mini Stadium.
Ïa ka Toss la jop daka WJPCC kaba la jied ban Bat nyngkong da kaba kamai 122 runs naki 26.3 overs bad duh baroh ki wickets, kiba kamai runs khambun ki long u Markini Lathong 24 runs naki 25 balls, katba na ka liang ka Efty United kiba ïoh ban khur Wickets ki long u Sanvert Kurkalang 3 wickets naki 7 overs bad u Eleazer. C. Dkhar 3 Wickets na ki 6.3 overs.
Haba wan ban beh ïa ka thong ka Efty United XI kala lah ban kamai haduh 123 runs naki 11.5 overs da kaba duh tang 2 wickets. Kiba kamai runs bun ki long u Sanvert Kurkalang 56 runs na ki 21 balls bad u Levester Phawa 20 runs naki 17 balls, katba na ka liang ka WJPCC kiba ïoh ban khur wickets bun ki long u Riboklang Hynñiewta 2 wickets na ki 7 overs.
Ïaka nam Man of the Match la ïoh da u Sanvert Kurkalang jong ka Efty United XI Mynso.