Ka Mupliang Cricket Club ka la lah ban pynliem ia ka Cultural Youth Club Mookaiaw da 9 runs ha ka jingiakhun District Cricket League 2024 ba la pynlong da ka West Jaiñtia Hills District Cricket Association ha Madan Khliehtyrshi Mini Stadium kaba la sdang ha ka 13.4.2024.
Ia ka Toss la jop da ka CYC Mookaiaw ha kaba ka la jied ban kawang. Ka Mupliang ka la lah ba bat 145 runs na ka 23.5overs ha ka ba ka la duh ia baroh ki wickets, kiba kham lah ban tied bha ki long u Yoohimiootre Patweth 37 runs 34 balls, u Dathrang Pariat 33 runs 33 balls. Katba na ka liang ka CYC u ba lah ban kawang bha u dei u Todan Rymbai uba la lah ban pynhap 3 wickets ha ki 7 overs.
Ha ka kyllamiet ka CYC ha ba beh ia ka thong ka la lah ban tied 136 runs na ka 35 overs bad ka la duh noh 9 wickets. Kiba lah ban tied kham bha kynthup ia u Grateful Lyngkhoi 24 runs ha ki 27 balls, u Pyniarmi Sutnga 20 runs ha ki 41 balls, na ka liang ka Mupliangwa ki ba lah ban kawang bha dei u Defender Dhar uba la pynhap 3 wickets hapoh ka 7 overs.
Ia ka nam Man of the Match la ioh da u Defender Dhar jong ka Mupliang Cricket Club.