Ka Ummulong Cricket Club ka la lah ban pynliem ia ka Moodymmai Cricket Club da 44 runs ha ka jingiakhun jong ka District Cricket League 2024 ka ba la pyniaid da ka West Jaiñtia Hills District Cricket Association ha Madan Khliehtyrshi Mini Stadium kaba la sdang mynta ka sngi 11.04.2024.
Ia ka Toss la jop da ka Ummulong ha kaba ka la jied ban Bat nyngkong bad ka la lah ban kamai haduh 214 runs na ka 35 overs ha kaba ka duh noh ia ki 4 wickets. Ki nongialehkai kiba lah ban kamai bun ki kynthup ia u Rejoice Gassah ba la kamai 65 runs na ki 71 balls, u Heimonlang Lyngdoh 44 runs 18 balls bad u Chongtre Iman Lamare 37 runs 40 balls. Katba na ka liang jong ka Moodymmai uba lah ban ball bha u dei u Daowan Passah 2 wickets 7 overs.
Haka kylla miet jong ka jingialehkai ka Moodymmai ha ba beh ia ka thong ka la lah ban tied (bat) 170 runs na ka 29.4 overs ha kaba ka la duh noh ia baroh ki wickets. Kiba kham lah ban kamai bha (bat) ki dei u Bamanbha Shangpliang 68 runs 58 balls, u Richel Passah 23 runs 28 balls bad u Rijest Lytan 23 runs 30 balls, ha kaba na ka liang jong ka Ummulong ki ba kham lah ban ball bad kem ball dei u Heimonlang Lyngdoh 3 wickets 6.4 overs, u Sumarlang Lamare 2 wickets 5 overs bad u Sylvester Mylliempdah 2 wickets 7 overs.
Ia ka nam Man of the Match la ioh da u Heimonlang Lyngdoh jong ka Ummulong Cricket Club.