Ka kynhun ïalehkai jong ka Ummulong Cricket Club kala jop ïaka Khliehtyrshi Cricket Club da 208 runs haka District Cricket League 2024 bala pynïaid da ka West Jaiñtia Hills District Cricket Association ha Madan Khliehtyrshi Mini Stadium WJHD kaba la long mynta ka sngi Thohdieng.
Ïa ka Toss la jop daka Ummulong kaba la jied ban Bat nyngkong bad kala kamai 295 runs na ki 35 overs bad hap 6 wickets, kiba kamai run khambun ki long u Chongtre I man Lamare 150 runs naki 97 balls, U Camlyone Passah 36 runs naki 33 balls bad u Rejouce Gassah 27 runs na ki 20 balls, katba na ka liang ka Khliehtyrshi ba ïoh khur wickets bun dei u K. Dhar 3 wickets na ki 6 overs.
Haba wan ban beh ïa ka thong ka Khliehtyrshi kala lah ban kamai tang 87 runs na ki 17.1 overs bad hap lut baroh ki Wickets. Kiba kamai bun run ki long u Rio Hame Rymbai 21 runs na ki 25 balls bad u Mewada Shylla 13 runs na ki 9 balls, katba na ka liang ka Ummulong kiba ïoh khur Wickets bun dei u Sylvester Mylliempdah 7 wickets na ki 4.1 overs.
Ïa ka Nam Man of the Match la ïoh da u Chongtre I man Lamare jong ka Ummulong Cricket Club.