Haba ym shym la ailad ia ki Paidbah ban tur sha D.C.Ophis, pynban la khot tang ia ki katto katne ngut ki Nongmihkhmat ka Association (JCOMSWA). Ha kane ka jingiakren na ka liang u Deputy Commissioner Mr. Manish Kumar, IAS, u la iathuh ba na ka liang jong u, um lah leh eiei, hynrei u la pyntip sha ka Sorkar Jylla-Meghalaya ia ka jingdawa jong ka Association bad ha ka juh ka por u la bthah ruh ia ki Nongkitkam ka Association ba kin leit ia kynduh hi ia u Chief Secretary jong ka Jylla Meghalaya.
Ha kane ka jingleit ia kynduh ki Nongmihkhmat kiba hakhmat duh jong ka Association, ki la pynpaw ha u Deputy Commissioner ba ka jingdawa jong ka Association bad ki paidbah kiba wan rally na kylleng ki shnong jong ka East Jaintia Hills District ka long ka jingdawa kaba shonghok bad kaba dei ba ka Sorkar kan wengnoh ia ka Aiñ khangtih Dewiong bad pynlait ba ki trai par dewiong kin lah ban pyntrei, tih bad die dewiong kumba long ha ki snem kiba mynshwa, shwa ka 2014 bad lada kim ioh ia kano kano ka jubab kat kum ka jingdawa jong ka Association bad ki paidbah kiba wan rally kin shongbeit ha surok bah, ha khmat ka khyrdop Gate jong ka DC Ophis ong u Information Secretary bad u Secretary ma Overcome Dkhar bad ma Khrawbor Ryngkhlem haba kren ha U YUTIP bad haduh ba pynlait ia kane ka Khubor ki dkhot jong ka Association bad ki Nongwan rally ki dangshong bhek ha surok bah ha khmat ka khyrdop Gate jong ka D.C. Ophis Khliehriat.