Ka ophis jong u District Sports Officer (DSO), West Jaiñtia Hills District ha ka jingiatreilang bad ka WJDSA kan sa pynlong ia ka District Level Inter School Athletic Meet, 2024 ha Kiang Nangbah Stadium, Jowai.
Ia kane ka lympung yn pyniakhun na ka bynta ki khynnah shynrang bad kynthei Under-14, Under-16 bad Under-18. Yn pynlong ia kane ka lympung ha ki tarik 1,2 bad 3 jong u bnai Jymmang (May) 2024.
Na ka liang ka ophis u DSO ka khot sngewbha ia kino kino ki skul kiba don hapoh ka District kiba kwah ban iashim bynta ha kane ka Meet. Ka tarik kiba khadduh ban ai kyrteng kan long ha ka 18 tarik u Iaiong (April) 2024. Ia ki entry form lah ban ioh na ka jong u DSO, West Jaiñtia Hills District ha ki por long trei.
Ka Screening ia ki nongialehkai kan long ha ka 22.04.2024 ha Kiang Nangbah Indoor Stadium, Jowai naduh ka por 9:00 AM haduh ka por 4:00 PM. Ka jingialang bad ki Nonghikai ne ki nongmihkhmat jong ki skul kan long ha ka 25.04.2024 ha ka por 1:00 PM ha ophis u DSO.