Ka sorkar jylla lyngba u Secretary to the Government of Meghalaya, General Administration Department kala pyntip paidbah ba la pynbna shuti ha baroh ka jylla ha ka 19 tarik mynta u bnai 2024 ba dei ka sngi thep vote sha ka ïingdorbar Lok Sabha.
Ha kane ka sngi baroh ki jaka trei kum ki Industry kiba hap hapoh ka NI Act, 1881, ki dukan kiba don ki nongtrei kiba trei da ka shift basis, ki nongtrei bylla sngi ba kynthup ia kito kiba trei shabar na ki Constituency kin ioh ia ka jingsiew bainong katkum ka Section 135 (B) of the Representation of the People Act, 1951.