Ka tnat Directorate of Sports & Youth Affairs kala pyntip ba kan sa phah ia ka kynhun ialehkai Basketball ban iashim bynta ha ka 67th National School Games 2023-24 ka ban sa long ha nongbah Guragram, Haryana naduh ka 26 tarik haduh ka 30 tarik mynta u bnai.
Ha kaba iadei bad kane na ka liang ka tnat Sports kan sa pynlong ia ka jingjied ia ki player na ka bynta ki khynnah shynrang kiba hapoh ka 17 snem (Uder-17 Boys) ka ban pynlong ha ka 10/4/2024 ha Basketball Court, Indoor Statdium, NEIGRIHMS, Shillong.
Kino kino ki nongialehkai kiba don jingmut ban wan sha kane ka trial ki hap ban wan rah lang ia ka Aadhar Card bad ka Birth Certificate da ki original na ka bynta ban pynshisha ia ki, ha katei ka tarik bad jaka ba la kdew ha ka por 6:30 AM thik.
Na ka bynta ki jingtip ba kham bniah lah ban ioh na ka kong Yolinda Hynniewta kaba dei ka Basketball Coach bad lah ruh ban phone ia i ha kine ka number 8794435276/7005229172.