Ka seng Advocacy Reform Movement (ARM), ha ka jinglamkhmat u President jong ka, u Burom Dkhar ryngkat bad ki dkhot ka CEC, mynta ka sngi kila leit ban ia kynduh ia u Superintendent of Police (SP) ka East Jaiñtia ban dawa ia ki lai tylli ki mat.
Kaba nyngkong ka seng ka dawa ban buh traffic incharge ha baroh ki Police Outpost, kiba don hapoh ka East Jaiñtia Hills District, khnang ban lait na kino kino ki jingsahkut ne blok kali bad kumjuh ruh na ka ka jingjia accident bad ruh ban suk ka leit ka wan jong ki paidbah.
Kaba ar, ka seng ka dawa ban ai ka jingshakri kaba hok bad kaba laitluid ia baroh ki paidbah khlem da ñiew shilliang iaki Aiñ katkum ka Article 14 bad 21 jong ka ri India.
Kaba lai pat ka seng ka dawa ruh ban pynrkhing ia ki Aiñ, ha ka jingiadei ba ki kam leh dusmon lane pyniap briew.
Ia kine baroh ki jingdawa na ka liang u SP ka EJHD, u la kular ban shimkhia ia kine ki jingdawa jong ka seng da kaba iakren ruh bad kiba halor jong u.