Ka Hynñiewtrep Border Dispute Redressal Forum (HBDRF) ha kala pynlong jingïalang ha Mihmyntdu, West Jaiñtia Hills District halor ka jingdap 7 snem ka jingshakri ki jong ka halor ki kam kiba la pyndep bad ki kam ban pyndep ha ki sngi ban wan.
Ha kane ka jingïalang ka HBDRF kala ïoh ban pynkup burom ïa ka kong Da ailang Suchiang naka shnong Mowjem namar ka kam shlur jong ka ban ïasaid ñia bad ki pulit Assam haka por baki thmu ban wan rah ïaki nongïalam shnong bad ki riew paidbah ban leit thep vote sha Assam ha kane ka MLA Election kaba la dep.
Ka Forum kala rai ruh ban leit ai jingthoh sha ki 60 ngut ki MLA naka bynta ban kynthup noh ïaki shnong Khasi Pnar ha Elaka Labang Nangphyllut (Block-1) sha ka jylla Meghalaya hapoh ki tnad treikam bapher bapher jong ka sorkar kumba la dep pynim ïa kane ka Elaka da ka Jaiñtia Hills Autonomous District Council (JHADC) bad la ai Sanad ïa u Acting Dolloi, ki Waheh Chnong bad ki Notification jingithuh ïaki shnong.
Halor kane ka HBDRF kala rai ban pynlong ïaka jingshong kyllaiñ myngngor ha Shillong kum ka dak ban pynbor ïaka sorkar ban pyndep kloi ïa kane ka kam. Ïaka tarik, ka por bad ka jaka yn sa pynbeit hadien. Ha kane ka jingïalang la pynrung bad pdiang ïaki dkhot thymmai jong ka Forum kumba shiphew ngut.
