Ka BJP-East Jaiñtia Hills District hapoh ka jingialam u District President u Ma Commanderful Sana da kawei ka jingmut kala shim ia ka rai mynta ka sngi ha ka jingialang pdiang dkhot thymmai, ban kyrshan ia ka kyrtong jong ka NPP ka Dr. M Ampareen Lyngdoh kaba don ia ka shap jong ka KOT.
La iathuh ba kane ka jingkyrshan ia ka kyrtong jong ka NPP ka long katkum ka jingbthah na u Narendra Modi ban don ka jingiatreilang hapdeng ka BJP bad ka NPP hapoh ka jylla na ka bynta ban wanrah ia ka jingmyntoi naduh ka District, ka State bad ha ka ri hi baroh kawei la pynpaw ki nongialam jong ka BJP na East Jaiñtia.
Na ka liang ka BJP- East Jaiñtia Hills kala ai khublei ia baroh ki nongkyrshan bad ki dkhot jong ka naduh ki 2 Mandals, ST Morcha,Yuva morcha, Mahila morcha, Kisan Morcha tang kawei ka rai ban ai jingkyrshan ia ka NPP.
Ia ki dkhot kiba la wan ban pynrung thymmai mynta ka sngi la pdiang burom da u National Council Member u bah David Kharsati bad u Former State President u ma Shibun Lyngdoh.
