Ka Phramer Cricket Club kala lah ban pynliem ïa ka Cultural Youth Club Mookaiaw da 1 Wicket mynta ka sngi 10 tarik ha ka jingïalehkai District Cricket League 2024 bala pynïaid da ka West Jaiñtia Hills District Cricket Association ha Madan Khliehtyrshi Mini Stadium.
Ïa ka toss la jop da ka CYC Mookaiaw kaba la jied ban Bat nyngkong da kaba buh ïa ka thong 134 runs na ki 31.1 overs bad duh baroh ki wickets. Kiba ïoh ban kamai runs khambun ki long u Ardakirang Rymbai 62 runs na ki 86 balls bad u Grateful Lyngkhoi 22 runs na ki 27 balls, na ka liang ka Phramer CC kiba ïoh ban khur Wickets ki long u Iaineh Suchiang 4 wickets na ki 7 overs bad u Ebormi Laloo 4 wickets na ki 5.1 overs.
Haba wan ban beh ïa ka thong ka Phramer CC ka la lah ban jop da kaba kamai haduh 135 runs na ki 28 overs bad hap 9 wickets. Kiba kamai runs khambun ki long u Deimiki Rabon 48 runs na ki 36 balls bad u Pyrkhat Sari 23 runs na ki 25 balls, katba na ka liang ka CYC kiba ïoh ban khur wickets kham bun ki long u Spaining Pyrhut 6 wickets na ki 7 overs.
Ïa ka nam Man of the Match la ïoh da u Iaineh Suchiang jong ka Phramer Cricket Club.