U ma Kyntang Zag Passah u wei na ki samla Rangbah ba paw jong ka nongbah Jowai mynta ka sngi 5/4/2024 ula wan ban plie pyrda ia ka Mini Fete ba shi sngi jong ka shnong Mookyrdup.
Na ka liang u ma Kyntang ha ba ai jingkren ula kitbok kitrwiang ba kane ka Fete kan long ka jop bad kaba pyniohnong ia ka shnong. U la buh ruh ka jingkyntu ia ki nongshong shnong jong ka Mookyrdup ba kin long kiba iatylli bad kiba iatreilang na ka bynta ka jingroi jingpar jong ka shnong shnong ka thaw.
Ha kane ka sngi la wan ban iadon lang u ma E. Shylla kum u Symbud Kongsan, nalor u ma K.D. Phawa bad kiwei de.
Ia ka jingialang la pyniaid da u Waheh Shnong ma Pyrkhat Shylla. Kiwei de ki ba jingkren ki kynthup ia u ma A.Khonglah bad u ma Larsing Shullet.
Ha kane ka Fete ki don shibun jait ki jingiadie iathied, ki jingbam ba bun jait, ki jingialehkai Housie bad kiwei de. Kan sa don ruh ka jingpynkhalai ia ki tiket Lucky draw ha ka por mynmiet.
Ka Luckydraw ka kynthup ia ka 1st Prize:30,000.00, 2nd Prize:15,000.00, 3rd Prize:10,000.00 bad ki Consolation Prize: 3 tylli ha ka dor Rs.1000.00 kawei.