Ha ka 4 tarik une u bnai Iaiong ki Saiantis jong ka Northwestern University, Illinois ki la pynpaw pyrthei ba ki la lap ia duriaw bah, 700 km na sla khyndew shapoh ramew.
Kane ka duriaw kaba heh bun shah ban ia ki duriaw kiba don ha sla pyrthei ka lah ban long kum ka tyllong um ban bsa um ia ka pyrthei kham tam haba ka pyrthei ka la ia ia kynduh ia ka jingtyrkong umdih.
Ki duriaw kiba don ha sla pyrthei kim dei kiba bit ban dih namar ki don bun eh ka Mluh bad ka jinglap ia kane ka duriaw 700 km shapoh ramew kan lah ban iarap ban pynioh ia ka um kaba khuid na ka bynta ka jingdap jingbiang ki briew ha kane ka pyrthei.
Kane ka duriaw bah lane ka Giantic Ocean la khot ia ka, ka Subterrenean ocean kaba heh 3 shah ban ia baroh ki duriaw kiba don ha sla khyndew.
Kane kadei ka sakhi ba ki um ha sla pyrthei ki wan mih hapoh ramew. Ka Science Magazine ka la pynpaw katkum ka jingong u Steven Jacobson uba dei u Scientist jong ka Northwestern University in Illinois.
“Nga tharai ba ngi la iohi ia ki jingshisha ba kane ka jinglap ia kane ka duriaw bah shapoh ramew kadei kaba kjit ia ka um kaba don ha sla khyndew jong kane ka pyrthei kaba ngi im (habitable planet). Ki Saiantis ki la wad bniah ia ka jingtyrkhong um jong kiba bun ki wah la bun bun snem”, u la bynrap.
Ka wah Euphrates kaba paw nam tam ha ka Histor jong ka ri Irag, Turkey bad Syria bad kabanpaw bha ha ka bible jong ki Kristan ka la tyrkong noh haba bun ki la ngeit ba ka dei jingsdang ka jingwan ba ar sien jong u Jisu Christ ha kitei ki ri.
Ia kane ka khubor la lum da une u nongthoh na internet halor ka heading “Scientists discover gigantic ocean 700 km beneath the Earth’s surface” kaba la mih ruh ha kiba bun ki kot khubor ha ka Internet.