U Synbud Myntri Rangbah jong ka sorkar jylla u ma Sniawbhalang Dhar mynta ka sngi ula leit hiar sha ki ar tylli ki shnong kata sha shnong Namdong-B bad ha Nongrim Bambthong, kiba hap hapoh ka Constituency jong u, ban ïalap Election ïa ka kyrtong jong ka National People Party (NPP) ka kong Mazel Ampareen Lyngdoh ka ban ïakhun ïa ka Election MP na ka Shillong Parliament Seat.
Mynta ka sngi ki nongïalam jong ka NPP West Jaiñtia kiba kynthup naduh ki MDC, ki President, ki Secretary jong ki Block bad Unit bapher bapaher nalor ki MDC ka JHADC kila wan ban ïadonlang ha kane ka sngi ban pynshong shit ïa kitei ki jingïalang Election ka seng NPP.
U ma Sniawbhalang Dhar ula ong katkum ka Census “ka 1-Nartiang Constituency ka dei ka Constituency kaba nyngkong duh kaba la ïoh bun eh ki kam pynroi haba ia nujor na baroh ki 60 tylli ki Constituency jong ka jylla”.
“Kum ka Constituency kala la bat ïaka kyrdan ba hakhlieh duh hapoh tang shi point na u Myntri Rangbah” kumta u kwah ba kan long kaba Constituency kaba stad ha ka rukom jied ïa ki nongmihkhmat ha kane ka elekshon MP, haduh ban da ïoh pyrta lang ba ngi long kiba jop”, ong u ma Sniawbha.
Ha Namdong u ma Sniangbhalang Dhar ha ka jingkren ula pynpaw ka jingai khublei kyrpang ïa kito ki dkhot na ki kynhun seng saiñ pyrthei bapher bapaher kiba la wan ban pynïasoh sha ka Party NPP mynta hi ka sngi ha Namdong-B.
U la ong haduh mynta ka 1-Nartiang Constituency ka dei kawei na ki Constituency kaba long ka nongjop (Champion) bad u kwah mynta ka kynti ba ki paidbah ka Constituency kin pynjop ïa ka kong Ampareen Lyndoh kum ka MP haduh 45 hajar Vote na ka Constituency.
Shuh shuh ula ong wat lada ym shem la pyndonkam ïa ki rynsan Social Media hynrei u ma Sniawbha ula jop beit la saw sien mynta, kum u nongmihkhmat u buh ka jingkyntu ba ki paidbah kim dei ban shah ïalam bakla.
Ha ha kaba ïadei bad kiwei ki Party u ma Sniawbhalang ula ong ‘ka Permit jong u Prah kan kut tang hakhmat ka Byrnihat, ha kaba ïadei bad ka Congress u MP jong ka um shem la wan rah ki kam pynroi hapoh ka 1-Nartiang Constituency bad ka Party Congress ka long kum kato ka kali khlem shaka bad ka Permit duplicate.
Hynrei haba phai sha ka Party NPP ka long kaba la biang kot nadong shadong ha kaba ym don shuh kiba peit ban jurip namar la tip lypa ïa ki kam jong ka kum ka sorkar kaba la ialam ia ka jylla la ar samoi mynta. Kumta u ma Sniawbhalang u la wer ia baroh ki nongshong shnong ka thaiñ bad ka jylla hi baroh la long kiba iohi jngai bad ban pynjop donburom ia ka kong Ampareen.
