U Deputy Commissioner ka West Jaintia Hills ha ryngkat ka jingiatrei lang bad ka Deputy Commissioner West Karbi Anglong ha ryngkat ka jingiadon lang ki SP ha ka 5 tarik Jymmang 2026 ki la pynlong ia ka jingialang Peace talks Meeting ha ka shnong Khanduli na ka jingthmu ban poi sha ka jingiakren ia suk halor ka kynrum kynram ba jia ha khappud.
Na ka liang u Waheh Shnong ka Lapangap u la pyntip ba hynne ka sngi ka 5 tarik Jymmang 2026 ka la don ka jingialang hapdeng ka jingdonlang ki bor pyniaid District naduh u DC ka West Jaintia, DC West Karbi Anglong ki bor pyniaid District ki Pulit bad Ki paralok na Karbi na ka bynta ka jingiakren iasuk kaba la long ha shnong Khanduli.
Nalor kata u Waheh Shnong ka shnong Lapangap u la ong ka jingiakren hynne ka sngi ka long kaba seisoh bad kaba bha bad na ka liang ka shnong ha ka janmiet jong ka 5 tarik ka la lum ia ka dorbar bad kan iai ap ia kata ka 2 sngi 3 sngi ba ki bor pyniaid district ki la buh por ban wad ki lad ki lynti hapdeng ka jingsuk ka jingsaiñ.
Kumta na ka liang u Waheh Shnong ka Lapangap u la ong ka dorbar ka la rai ban pynsangeh shwa ia ka jingthmu ban leit sha ka Peace Rally sha Secretariat ka ban long lashai ka sngi ka 6 tarik Jymmang 2026 bad lada ki bor pyniaid District na baroh ar tylli kynthup na Karbi Anglong lada kim ai ia ka rai babha ha kine ki 2 – 3 sngi na ka liang ka Dorbar shnong kan sa shim da ki sienjam kiba tyngeh.