Iaid shaid shaid ka SIR ha East Jaintia Hills, la pynioh 83.63 % ki Form sha ki nongthep vote

Ka Special Intensive Revision (SIR) – kata, ka jingkhein briew kaba la sdang naduh ka 30 tarik Iaiong, 2026, ha ki artylli ki Assembly Constituency jong ka East Jaintia Hills District. Ia kane la pynlong katkum ka jingbthah jong ka Election Commission jong ka Ri India ban pynthikna ia ka jingpynkhreh ia ka thup kyrteng ki nongthep vote kaba thikna bad kaba khlem jingbakla.

Haduh ka 14 tarik u Naitung, 2026, la sam haduh 87,322 tylli ki Enumeration Form ha baroh kawei ka district, haba la khein kyllum kaba long 83.63% na ki nongthep vote kiba la dep ioh pdiang ia ka phorm. Ka jingiaid shaphrang jong SIR ha ki ar tylli ki Constituency kata ka 5-Sutnga Saipung (ST) AC ka long 90.42% bad ha 6-Khliehriat (ST) AC ka long 76.90%.

U District Election Officer, East Jaintia Hills u la kyrpad ia baroh ki nongthep vote ban ai ia ka jingiatrei lang bad ki Booth Level Officers (BLO) ha kane ka jingkhein kyrteng kaba dang iaid shakhmat. La kyrpad ia ki nongthep vote ban pyndap bad aiti ia ki Enumeration Form jong ki hapoh ka por ba la buh khnang ban pynsuk ia ka jingpynrung kyrteng kaba long kaba thikna ha ka thup kyrteng ki nongthep vote.

Ban peitngor ïa ka jingpyntreikam kaba ïaid beit ïaid ryntih bad kaba paka, la pynbeit ïa ka SIR Help Desk ba kyrpang ha ophis jong u Deputy Commissioner, East Jaiñtia Hills District. Ki nongthep vote kiba wad jingtip, jingiarap, lane jingpynshai ha kaba iadei bad ka SIR ki lah ban leit sha ka Help Desk lane ban phone ia ki nombar ba la ai harum:

.

Ia kane la pynmih na ka ophis jong u Deputy Commissioner (Election), District Electoral Officer, East Jaintia Hills District, Khliehriat na ka bynta ka jingmyntoi paidbah.