Kum shi bynta ban khanglad ia ka jingthang pathar ia ki khlaw bad ki lum bad ruh ban pynneh pynsah ia ka jingIong ryngkat ka mei mariang, kumta na ka liang u District Magistrate, East Jaiñtia Hills District, ula pyntreikam da ka kyndon aiñ 144 CrPC ha baroh ki bynta jong ka District.
La hap ban pyntreikam ia kane ka hukum ka long hadien ba na ka liang jong u District Magistrate ula ioh shibun ki jingujor ha ka jingiadei bad kane ka jingthang pathar ia ki khlaw ki btap hapoh East Jaiñtia Hills District. Kane ka jingthang khlaw ka wanrah ym tang ia ka jingduh noh ki spah khlaw, hynrei ka wanrah ruh ka jingduhjait jong ki jingthung bad ki mrad kiba im hapoh ki khlaw, nalor ba ka ktah ruh wat ia ka jingkoit jingkhiah jong ki briew.
La bthah ia kino kino ki briew kiba thang ding ha ki jaka jong ki na ka bynta ka jingdonkam jong ki, ki hap ban pynlip pat hadien ba la dep ka kam, khnang ba ki phliah ding kin ym iohlad ban her sha kiwei pat ki jaka ban pynlong ia ka jingpluh ding.
Kane ka hukum kan treikam noh mardor naduh bala pynmih ia ka tad haduh ban da pynmih da kawei pat. (DPRO, Khliehriat).