Ka Khasi Students’ Union (KSU), Tyrso Unit ha ka 30 tarik Jymmang 2026 hadien ba ioh ki jingujor na ki paidbah halor ka jingjia aksident ka ba iai jia man ka por ha ki thaiñ Tyrso bad ka Seng KSU ka la mih shakhmat ban maham tyngeh ia kito ki briew ban pynher sted ia ki kali jong ki.
Na ka liang u President ka Ksu Tyrso Unit u bah Playerfull Mashli President u la kyrpad ia ki driver kali ba kin niah suki ia ki kali jong ki nangne shakhmat bad maham ia ki driver kali kiba kamai ha ki thaiñ Tyrso ne kiba wan sha ki thaiñ Tyrso ba kim dei ban niah sted palat ia ki kali khamtam ha ka por ba ki khynnah skul ki dang wan skul bad ha ka por ba wai skul. U la kyntu ia ki nongniah kali ba ki dei ruh ban niah ia ka speed limit kaba 30 hapoh.
Nalor kata u la ong lada ka Seng ka lap ba dang don ki ba leh pyrshah ka seng kan leh da kaba tyngeh bad pynshitom wat ban ai sha ki bor jong ka aiñ, ka seng ka kyrpad ruh ia ki paitbah lada ki lap ba ki driver ki pynher sted dei ban pyntip sha ka seng, bad na ka liang jong ka seng ka kyrpad ruh ia ki nong niah kali ba kin ai ka jingiatrei lang khnang ban wanrah jingsuk hapoh ka shnong Tyrso bad ka thaiñ hi baroh kawei.
